Gömrük əməkdaşlarının fiziki hazırlıq səviyyəsi artırılır

Dövlət Gömrük Komitəsi Baş Gömrük Mühafizə Xidmətinin mühafizə və əməliyyat fəaliyyətinə cəlb edilən əməkdaşlarından xüsusi fiziki hazırlığın  növləri üzrə normativlərin götürülməsi təmin edilib.

Əməkdaşlarının sağlamlığının qorunması, fiziki hazırlıq səviyyəsinin artırılması məqsədilə Komitənin aidiyyəti struktur bölmələri ilə birlikdə təşkil olunan tədbirdə 194 gömrük əməkdaşı cəlb edilib.

Tədbir çərçivəsində müxtəlif növ xidməti silahlarla davranış qaydaları və müəyyən edilmiş məsafələrdən praktiki atəş təlimləri də təşkil edilib.

DGK Mətbuat və İctimaiyyətlə Əlaqələr İdarəsi