Gömrük-biznes əməkdaşlığı çərçivəsində görüş keçirilib

Tovuz Gömrük İdarəsinin təşəbbüsü ilə gömrük-biznes əməkdaşlığı çərçivəsində xarici ticarət iştirakçıları ilə görüş keçirilib.

Görüşdə “Azərbaycan Respublikasında idxal-ixrac əməliyyatlarının tənzimlənməsi haqqında” Azərbaycan Respublikası Prezidentinin 1997-ci il 24 iyun tarixli 609 saylı Fərmanına, Bazel Konvensiyasına və Monreal Protokoluna dair təqdimat nümayiş olunub. Həmçinin idxal-ixrac əməliyyatları zamanı qarşıya çıxan məsələlərlə bağlı müzakirələr aparılıb.

Yekunda sahibkarları maraqlandıran digər mövzular ətrafında fikir mübadiləsi aparılıb, təklif və rəyləri dinlənilib, suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi