Sahibkarlarla görüş keçirilib

Biləsuvar Gömrük İdarəsində xarici ticarət iştirakçıları ilə növbəti görüş keçirilib.

Tədbirdə gömrük sistemindəki yeniliklər barədə məlumat verilib, ölkənin ixrac potensialının gücləndirilməsi və iqtisadi təhlükəsizliyinin qorunması istiqamətində həyata keçirilən tədbirlərdən bəhs edilib.

Daha sonra Dövlət Gömrük Komitəsinin “2025-2030 Gömrük İnkişaf Strategiyası” haqqında məlumat verilib, strategiyada ölkənin gömrük sisteminin rəqəmsallaşdırılması, şəffaflığın artırılması və beynəlxalq ticarətin asanlaşdırılması istiqamətində mühüm vəzifələr müəyyənləşdirildiyi diqqətə çatdırılıb.

Görüşün sonunda sahibkarların təklif və rəyləri dinlənilib, onların sualları cavablandırılıb.

DGK Mətbuat və İctimaiyyətlə Əlaqələr İdarəsi