Gömrük əməkdaşları üçün ilkin peşə hazırlığı təlimləri davam edir

Dövlət Gömrük Komitəsinin Akademiyasında gömrük xidməti əməkdaşları üçün növbəti ilkin peşə hazırlığı təlimləri başlayıb.

Bir ay davam edəcək təlimlər gömrük əməkdaşlarının peşə biliklərinin təkmilləşdirilməsi, gömrük prosedurlarının rəqəmsallaşdırılması və müasir texnoloji avadanlıqlardan istifadə bacarıqlarının artırılması məqsədilə təşkil edilir.

Təlimlərdə gömrük nəzarəti sistemlərinin rəqəmsallaşdırılması, rentgen texnikasından istifadə, mal və nəqliyyat vasitələrinin bəyan edilməsi, həmçinin daxili intizam və sıra hazırlığı mövzularında məlumat veriləcək.

DGK Mətbuat və İctimaiyyətlə Əlaqələr İdarəsi