"Yüksəliş" müsabiqəsinin qalibləri ilə görüş keçirilib

İyunun 19-da Dövlət Gömrük Komitəsinin sədri, gömrük xidməti general-polkovniki Şahin Bağırov Mentorluq Proqramı çərçivəsində beşinci "Yüksəliş" müsabiqəsinin qalibləri Fərid Hüseynov və İrşad Əsgərxanlı ilə görüş keçirib.

Görüşdə ölkəmizdə gənc kadrların inkişafına göstərilən dövlət dəstəyi, onların potensialının gücləndirilməsi, peşəkarlığının artırılması və fərdi inkişafına yaradılan imkanlardan söz açılıb, idarəçilik bacarıqlarının təkmilləşdirilməsi, karyera hədəflərinin reallaşdırılmasında “Yüksəliş” müsabiqəsinin mühüm rol oynadığı vurğulanıb.

Həmçinin görüş zamanı fərdi inkişaf planları, gələcək fəaliyyət istiqamətləri barədə fikir mübadiləsi aparılıb.

DGK Mətbuat və İctimaiyyətlə Əlaqələr İdarəsi