Gömrük-biznes əməkdaşlığı çərçivəsində görüş keçirilib

Naxçıvan Baş Gömrük İdarəsinin təşəbbüsü ilə gömrük-biznes əməkdaşlığı çərçivəsində “Badamlı Mineral Sular” MMC-də görüş keçirilib.

“Badamlı Mineral Sular” MMC-nin içraçı direktoru Azad Həsənov müəssisə haqqında, o cümlədən istehsal prosesinin mərhələləri, məhsul çeşidləri, istehsal gücü və həcmi barədə məlumat verib.

Görüşdə Naxçıvan Baş Gömrük İdarəsinin rəisi, gömrük xidməti general-mayoru Vüqar Əliyev rəsmiləşdirmə proseslərinin sürətləndirilməsi istiqamətində tətbiq edilən yeniliklərdən bəhs edib, xidmət səviyyəsinin, şəffaflığın yüksəldilməsi, gömrük əməliyyatlarının sadələşdirilməsi istiqamətində həyata keçirilən layihələr barədə məlumat verib, idxal-ixrac əməliyyatları zamanı qarşıya çıxan məsələlərlə bağlı fikir mübadiləsi aparılıb.

Sonda  biznes nümayəndələrinin rəy və təklifləri dinlənilib, suallar cavablandırılıb.

DGK Mətbuat və İctimaiyyətlə Əlaqələr İdarəsi