“Könüllü gömrükçü"lər Ramana qəsəbəsində tarixi-mədəni abidələrlə tanış olublar

Dövlət Gömrük Komitəsində fəaliyyət göstərən “Könüllü gömrükçü” dəstəsinin üzvlərinin Bakının Ramana qəsəbəsinə ekskursiyası təşkil olunub.

Milli-mədəni irsin təbliği məqsədi ilə təşkil edilən səyahət zamanı iştirakçılar qədim Ramananın tarixi-mədəni abidələri ilə tanış olub, eləcə də son zamanlar abadlaşdırılan qəsəbə küçələrini gəzib, xalçaçılıq mərkəzinə, yerli məhsulların satıldığı mağazalara baş çəkiblər.

Ekskursiya zamanı Dövlət Gömrük Komitəsinin əməkdaşlarına “Bakı Abadlıq MMC” tərəfindən Quba xalçaçılıq məktəbinin nümunələrindən biri, həmçinin “Gilabi Ceramics” tərəfindən üzərində Ramana qəsəbəsinin təsviri olan  dulusçuluq əsəri xatirə hədiyyəsi kimi təqdim edilib.

DGK Mətbuat və İctimaiyyətlə Əlaqələr İdarəsi