DGK İdman-Sağlamlıq Mərkəzinin idmançısı qızıl medal qazanıb

XVII Avropa Gənclər Yay Olimpiya Festivalında 90 kq çəki dərəcəsində çıxış edən cüdo üzrə gənclərdən ibarət yığma komandanın üzvü, DGK İdman-Sağlamlıq Mərkəzinin idmançısı Aslan Kotsoyev Azərbaycan yığmasına  daha bir medal qazandırıb. Elxan Məmmədovun idmançısı Aslan Kotsoyev finalda gürcü rəqibinə qalib gələrək qızıl medala layiq görülüb.

Xatırladaq ki, 11 idman növü üzrə keçirilən XVII Avropa Gənclər Yay Olimpiya Festivalında 48 ölkədən  3000-dən artıq idmançı mübarizə aparıb.

DGK Mətbuat və İctimaiyyətlə Əlaqələr İdarəsi