Xarici ticarət iştirakçılarına gömrük sistemində tətbiq edilən yeniliklərlə bağlı məlumat verilib

Gəncə və Xaçmaz gömrük idarələrində sahibkarlarla görüş keçirilib. Görüş gömrük sistemində tətbiq edilən yeniliklər, rəsmiləşdirmə, sərhədkeçmə proseslərində aparılan təkmilləşdirilmələrlə bağlı xarici ticarət iştirakçılarının məlumatlandırılması, həmçinin yeni layihələrin səmərəliliyi, rasionallığı barədə sahibkarların təklif və rəylərinin öyrənilməsi məqsədilə təşkil edilib.

Qarşılıqlı diskussiya şəraitində keçən görüşlərdə gömrük orqanlarının strateji hədəflərindən bəhs edilib, məmnunluq, şəffaflıq, rəqəmsallaşma sahəsində tətbiq edilən layihələrin effektivliyi barədə xarici ticarət iştirakçılarının fikir və rəyləri dinlənilib, onları maraqlandıran suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi