Qızılca xəstəliyi barədə maarifləndirici təlimlər keçirilib

Dövlət Gömrük Komitəsinin əməkdaşları üçün qızılca xəstəliyi barəsində maarifləndirici təlimlər keçirilib. Dövlət Gömrük Komitəsi Sanitar-Karantin Xidmətinin regionlar üzrə baş müfəttişləri və həkim-epidemioloqu tərəfindən keçirilən təlimlərdə ixtisaslaşmış və ərazi gömrük idarələrinin, gömrük-sərhəd keçid məntəqələrinin əməkdaşları iştirak edib.

Gömrük əməkdaşlarına qızılca xəstəliyi, əlamətləri, yoluxmadan qorunmaq qaydaları ətraflı izah edilib, eləcə də xəstəliklə mübarizədə peyvəndlənmənin əhəmiyyətindən bəhs olunub. Həmçinin, təlimlərin keçirildiyi strukturların inzibati binalarında və iş otaqlarında zəruri dezinfeksiya tədbirləri həyata keçirilib.

DGK Mətbuat və İctimaiyyətlə Əlaqələr İdarəsi