Xarici ticarət iştirakçıları ilə görüş keçirilib

Xaçmaz Gömrük İdarəsində xarici ticarət iştirakçıları ilə növbəti görüş keçirilib.

Tədbir gömrük sistemində həyata keçirilən təkmilləşdirmələr və yeniliklərlə bağlı sahibkarların məlumatlandırılması, eləcə də idxal və ixrac əməliyyatlarında qarşıya çıxan məsələlərin birgə müzakirəsi məqsədilə təşkil olunub.

Görüşdə Gömrük Xidmətinin Fəaliyyət Proqramı, strateji hədəfləri, Avtomatlaşdırılmış Risk Analiz Sistemi (ARAS) və digər layihələrlə bağlı sahibkarlara məlumat verilib, yeni layihələrin gömrük işinin təşkili, biznes proseslərin asanlaşdırılması baxımından faydalarından bəhs edilib.

Sonda sahibkarların rəy və təklifləri öyrənilib, onların sualları cavablandırılıb.

DGK Mətbuat və İctimaiyyətlə Əlaqələr İdarəsi