Skanlaşdırma fəaliyyəti üzrə vakant olan vəzifələrin tutulması məqsədilə müsabiqə keçirilib

Skanlaşdırma fəaliyyəti üzrə vakant olan vəzifələrin tutulması məqsədilə Dövlət Gömrük Komitəsinin Akademiyasında təşkil edilən müsabiqənin birinci mərhələsi keçirilib.

DGK “Azərterminalkompleks” Birliyində skanlaşdırma fəaliyyəti üzrə vakant olan vəzifələr üçün keçirilən müsabiqədə iştirak etmək üçün 111 nəfərin namizədliyi qeydə alınıb və birinci mərhələyə qatılan 87 vətəndaşın xüsusi proqram təminatı vasitəsilə praktiki bilikləri yoxlanılıb. Bu mərhələnin nəticələr 3 iş günü ərzində elan olunacaq.

Müsabiqənin birinci mərhələsinin nəticəsindən narazı qalan namizəd bu barədə nəticənin elan olunduğu vaxtdan 5 iş günü ərzində apellyasiya şikayəti verə bilər.

DGK Mətbuat və İctimaiyyətlə Əlaqələr İdarəsi