Naxçıvan Baş Gömrük İdarəsinin əməkdaşları üçün təlim keçirilib

Dövlət Gömrük Komitəsinin Tibbi Xidmət İdarəsi tərəfindən Naxçıvan Baş Gömrük İdarəsinin əməkdaşları üçün “BLS – Təməl Həyata Dəstək” instruktur təlimi təşkil olunub.

Nəzəri və praktiki mərhələdən ibarət olan təlim tibbi və qeyri-tibbi heyət üçün nəzərdə tutulub.

Tibbi Xidmət İdarəsinin Sanitar-Karantin Xidmətinin əməkdaşları tərəfindən keçirilən təlimin əsas məqsədi zərərçəkmiş sağlamlıq mərkəzlərinə çatdırılana qədər ilk yardımın göstərilməsi bacarıqlarının öyrədilməsidir.

Naxçıvan Baş Gömrük İdarəsinin postlarında təşkil olunacaq təlim 3 gün davam edəcək.

DGK Mətbuat və İctimaiyyətlə Əlaqələr İdarəsi