Şərq tərəfdaşlığı ölkələrinin hüquq-mühafizə orqanlarının  əməkdaşları üçün təlim keçirilib

Avropa İttifaqının Hüquq-mühafizə Təlimləri Agentliyi (CEPOL) tərəfindən Gürcüstanın Tbilisi şəhərində “Hərəkətli mütəşəkkil cinayətkar qruplar, ATM, nağd pul daşımaları zamanı və nəqliyyat vasitələrinə olan hücum və cinayətlər” mövzusunda təlim keçirilb.

Şərq tərəfdaşlığı ölkələrinin hüquq-mühafizə orqanlarının  nümayəndələrinin  qatıldığı təlimdə Dövlət Gömrük Komitəsinin əməkdaşları İlqar Camalov və Tale Məhərrəmov da iştirak ediblər.

Praktiki təcrübələr əsasında təşkil edilən təlimdə Almaniya, Fransa və Ruminiyanın hüquq-mühafizə orqanlarının əməkdaşları və CEPOL-un ekspertləri təqdimatlarla çıxış ediblər.

Təlimi uğurla tamamlayan iştirakçılar CEPOL-un sertifikatları ilə təltif olunublar.

DGK Mətbuat və İctimaiyyətlə Əlaqələr İdarəsi