Xarici ticarət iştirakçılarına yeniliklərlə bağlı məlumat verilib

“Poçt və ekspres daşımalar” gömrük postunda xarici ticarət iştirakçıları ilə görüş keçirilib.

Tədbir gömrük sistemində həyata keçirilən təkmilləşdirilmələr, tətbiq edilən yeniliklər və layihələr barədə biznes subyektlərinin məlumatlandırılması məqsədilə təşkil olunub.

Görüşdə Avtomatlaşdırılmış Risk Analiz Sistemi (ARAS), “Smart-Bot” və digər layihələr barədə məlumat verilib, idxal-ixrac əməliyyatlarında qarşıya çıxan məsələlərin operativ qaydada həll edilməsi ilə bağlı məsələlər müzakirə olunub, sahibkarların rəy və təklifləri öyrənilib, onların sualları cavablandırılıb.

DGK Mətbuat və İctimaiyyətlə Əlaqələr İdarəsi