Uşaqların Beynəlxalq Müdafiəsi Gününə həsr edilmiş maarifləndirici aksiya keçirilib

Mərkəzi Gömrük Hospitalında balaca pasiyentlər üçün 1 İyun - Uşaqların Beynəlxalq Müdafiəsi Gününə həsr edilmiş maarifləndirici aksiya keçirilib. Tədbir çərçivəsində Mərkəzi Gömrük Hospitalının tibbi personalı müalicə alan balaca pasiyentlərlə maarifləndirici söhbətlər aparıb, onlara hədiyyələr təqdim ediblər.

Tədbirin keçirilməsində məqsəd valideynlərin və uşaqların diqqətini sağlamlıqlarının qorunmasına yönəltmək, bu istiqamətində maarifləndirmə işini gücləndirmək, mütəmadi olaraq uşaqların müayinələrdən keçməsinin vacibliyini vurğulamaq olub. Belə ki, uşaqların sağlam böyüməsi, yüksək standartlara cavab verən tibbi xidmətlərlə təmin edilməsi üçün zəruri şəraitin yaradılması Mərkəzi Gömrük Hospitalının əsas məqsədlərindəndir.