Azərbaycan və İspaniya gömrük orqanları arasında əməkdaşlığın perspektivləri müzakirə edilib

Ümumdünya Gömrük Təşkilatı Gömrük Əməkdaşlıq Şurasının 143/144-cü sessiyaları çərçivəsində Azərbaycan nümayəndə heyəti İspaniya Krallığı Gömrük və Aksiz Departamentinin Baş direktoru xanım Nerea Rodriqes Entremonzaqa ilə görüşüb.

Görüşdə iki ölkə gömrük orqanları arasında əməkdaşlığın gücləndirilməsi, qabaqcıl təcrübələrin öyrənilməsi, xüsusilə dəniz limanlarında gömrük nəzarətinin təşkili, süni intellektin tətbiqi hesabına risklərin idarəolunması sisteminin təkmilləşdirilməsi istiqamətində təcrübə mübadiləsinin aparılması ilə bağlı məsələlər müzakirə olunub.

DGK Mətbuat və İctimaiyyətlə Əlaqələr İdarəsi