Yük avtomobilində bəyan olunmayan mallar aşkar edildi

Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan gələn Azərbaycan Respublikası vətəndaşının idarə etdiyi "Mercedes-Benz Atego" markalı yük nəqliyyat vasitəsi saxlanılıb.

Avtomobilə rentgen qurğusu ilə baxış keçirilib və mal-müşayiət sənədlərində uyğunsuzluq aşkar edilib.

Yoxlama zamanı, gömrük nəzarətinə bəyan edilməyən 430 kq bal və üzərində "Selective" yazılan hər biri 1 litr olmaqla 10 ədəd şampun aşkarlanıb.

Faktla bağlı araşdırma aparılır.

DGK Mətbuat və İctimaiyyətlə Əlaqələr İdarəsi