Gömrük xidməti hər bir dövlətin müstəqilliyinin əsas atributlarından biridir.
Menyu

Avtomobildə mobil telefonlar və aksesuarları aşkar edildi

Avtomobildə mobil telefonlar və aksesuarları aşkar edildi

Qərb Ərazi Baş Gömrük İdarəsinin Əməliyyat və Təhqiqat İdarəsinin əməliyyat şöbəsinə daxil olan məlumat əsasında mobil telefonların və aksesuarlarının qanunsuz olaraq ölkə ərazisinə gətirilməsi cəhdinin qarşısı alınıb.

Belə ki, Baş İdarənin "Qırmızı Körpü" gömrük postunda Gürcüstandan ölkəmizə gələn "Mercedes Benz" markalı nəqliyyat vasitəsi saxlanılıb və sürücü şifahi sorğu sual olunub.

Sorğu-sual zamanı vətəndaş idarə etdiyi avtomobildə gömrük nəzarətindən gizlədilən və bəyan edilməyən hər hansı predmetin olmadığını bildirib.

Lakin nəqliyyat vasitəsinə stasionar rentgen qurğusu vasitəsilə gömrük baxışı keçirilən zaman şübhəli cizgilər müşahidə edilib.

Yoxlama zamanı avtomobilin gizli saxlanc yerlərində 97 ədəd “iPhone 13” markalı mobil telefon qutusu, 42 ədəd “İphone 13” markalı usb, 10 ədəd “Model M-2” markalı mobil telefon və ona aid olan 10 ədəd qidalandırıcı başlıq, 3 ədəd “Meizu” markalı mobil telefon,  28 ədəd “Baofeng” markalı rabitə vasitəsi və ona aid olan 52 ədəd qidalandırıcı başlıq, 45 ədəd qulaqlıq, 14 ədəd batereya, 7 ədəd mobil telefon mikro-sxeması, 6 ədəd telefon ekranı və  2 ədəd elektron saat aşkar edilib.

Faktla bağlı araşdırma aparılır.

DGK Mətbuat və İctimaiyyətlə Əlaqələr İdarəsi

10 Mart 2022 11:31
195