Gömrük xidməti hər bir dövlətin müstəqilliyinin əsas atributlarından biridir.

Sahibkarlar “Şəxsi hesab vərəqəsi” elektron xidməti barədə məlumatlandırılıb

Sahibkarlar “Şəxsi hesab vərəqəsi” elektron xidməti barədə məlumatlandırılıb

Yanvarın 23-də xarici ticarət iştirakçıları və gömrük təmsilçiləri ilə daha bir görüş Hava Nəqliyyatında Baş Gömrük İdarəsində təşkil edilib.

Görüşün keçirilməsində əsas məqsəd  sahibkarları “Şəxsi hesab vərəqəsi” elektron xidməti haqqında geniş məlumatlandırmaq olub.

Hava Nəqliyyatında Baş Gömrük İdarəsinin rəisinin birinci müavini Anar Cahangirov çıxış edərək “Şəxsi hesab vərəqəsi” elektron xidmətin əhəmiyyətindən danışıb, pilot variantda istifadəyə verilən yeni elektron xidmətin biznes fəaliyyətinin daha səmərəli təşkilinə töhfə verəcəyini diqqətə çatdırıb.

Daha sonra Dövlət Gömrük Komitəsi Gömrük Ödənişləri İdarəsinin rəisi Tariyel Alverdiyev son dövrlərdə Komitə tərəfindən tətbiq edilən yeni layihələr və “Şəxsi hesab vərəqəsi” elektron xidməti ilə bağlı geniş təqdimatla çıxış edib. Qeyd edilib ki, “Şəxsi hesab vərəqəsi” elektron xidməti idxal-ixrac əməliyyatları zamanı gömrük bəyannamələri üzrə hesablamaların, gömrük və digər ödənişlərin uçotunun vahid platforma üzərindən reallaşdırılmasına, maliyyə-uçot sisteminin düzgün qurulmasına  imkan verir.

Tədbirdə “Şəxsi hesab vərəqəsi” elektron xidməti ilə bağlı videoçarxlar da nümayiş etdirilib. Dövlət Gömrük Komitəsinin əməkdaşları sözügedən elektron xidmətindən istifadə qaydalarını  canlı olaraq izah ediblər.

Görüşün sonunda sahibkarların və gömrük təmsilçilərinin fikir və rəyləri öyrənilib, onları maraqlandıran suallar ətraflı cavablandırılıb.

DGK Mətbuat və İctimaiyyətlə Əlaqələr İdarəsi

23 Yanvar 2023 16:13
195