“Effektiv kommunikasiya və təqdimat bacarıqları” mövzusunda təlim keçirilib

Fevralın 6-da Ümumdünya Gömrük Təşkilatının Bakı şəhərindəki Potensialın Gücləndirilməsi üzrə Avropa Regional Ofisində Dövlət Gömrük Komitəsinin əməkdaşları üçün “Effektiv kommunikasiya və təqdimat bacarıqları” mövzusunda növbəti təlim keçirilib.

Gömrük əməkdaşlarının potensialının, bilik və bacarıqlarının artırılması məqsədilə keçirilən təlimdə Komitə aparatında, ərazi və ixtisaslaşmış gömrük orqanlarında fəaliyyət göstərən 20-dən çox gömrükçü iştirak edib.

Təlimdə İqtisadiyyat Nazirliyi yanında Əmlak Məsələləri Dövlət Xidmətinin İnsan resurslarının idarə edilməsi şöbəsinin müdiri Şamo Mürşüdov iştirak edərək kommunikasiyanın qurulması zamanı zəruri biliklər, effektiv ünsiyyət, təqdimat bacarıqları, bədən dili, insan psixotipləri üzrə təcrübəsini paylaşıb.

DGK Mətbuat və İctimaiyyətlə Əlaqələr İdarəsi