Dövlət Gömrük Komitəsində xarici ticarət iştirakçıları ilə görüş

Fevralın 6-da Dövlət Gömrük Komitəsində xarici ticarət iştirakçıları ilə görüş keçirilib.

Görüş gömrük sistemində aparılan təkmilləşdirilmələr, tətbiq edilən yeniliklər, xüsusilə “Şəxsi hesab vərəqəsi” elektron xidmətinin faydaları və tətbiqi ilə bağlı biznes nümayəndələrinin məlumatlandırılması, oların fikir və rəylərinin öyrənilməsi məqsədilə keçirilib.

50-yə qədər şirkət nümayəndəsinin iştirak etdiyi görüşdə Dövlət Gömrük Komitəsinin mütəxəssisləri tərəfindən “Şəxsi hesab vərəqəsi” elektron xidmətindən istifadə qaydaları onlayn rejimdə əyani olaraq izah olunub, xidmətin üstünlüklərini əks etdirən təqdimat nümayiş etdirilib, sahibkarlıq subyeklərinin sualları ətraflı cavablandırılıb.