Azərbaycan var olduqca Ulu Öndər daim qəlblərdə yaşayacaq

Aksizli Mallar üzrə Baş Gömrük İdarəsində Ulu Öndər Heydər Əliyevin anadan olmasının 100-cü ildönümünə həsr olunan tədbir təşkil edilib.

Tədbirdə əvvəlcə müasir müstəqil Azərbaycan dövlətinin memarı və qurucusu Ulu Öndər Heydər Əliyevin əziz xatirəsi bir dəqiqəlik sükutla yad edilib.

Daha sonra Ümummilli Lider Heydər Əliyevin Azərbaycan xalqı qarşısında müstəsna xidmətləri, ölkəmizin müstəqilliyinin qorunub möhkəmləndirilməsində, demokratik hüquqi dövlətin qurulmasında və onun hərtərəfli inkişafında misilsiz xidmətlərindən bəhs olunub.

Ümummilli Liderin uzaqgörən siyasəti, yüksək idarəçilik qabiliyyəti sayəsində ölkəmizin davamlı iqtisadi inkişaf strategiyasının müəyyənləşdirilidiyi, Ulu Öndərin hərtərəfli qayğısı sayəsində formalaşan gömrük orqanlarının da bu siyasətin uğurla reallaşmasında əhəmiyyətli rol oynadığı vurğulanıb.

Bildirilib ki, Heydər Əliyev əbədi olaraq xalqımızın milli qüruru və iftixar mənbəyidir,  Azərbaycan var olduqca O daim qəlblərdə yaşayacaq.

DGK Mətbuat və İctimaiyyətlə Əlaqələr İdarəsi