Gömrükçülər könüllü qanvermə aksiyasında iştirak ediblər

İyunun 9-da Dövlət Gömrük Komitəsinin əməkdaşları Bahadur Eyvazov adına Elmi-Tədqiqat Hematologiya və Transfuziologiya İnstitutunun Mərkəzi Qan Bankında könüllü qanvermə aksiyasında iştirak ediblər.

Dövlət Gömrük Komitəsinin təşəbbüsü ilə keçirilən aksiyada 150-dən çox gömrük əməkdaşı könüllü donor olublar.

Mərkəzi Qan Bankının xüsusi tibb briqadasının həkimləri tərəfindən donorların sağlamlıq vəziyyəti yoxlanıldıqdan sonra onlardan qan götürülüb.

DGK Mətbuat və İctimaiyyətlə Əlaqələr İdarəsi