Rəhbərlik
Məlumat
Qəbul günləri:
Hər həftənin cümə günü
08 iyun 1980-ci ildə anadan olmuşdur.
2001-ci ildə Bakı Dövlət Universitetinin Beynəlxalq hüquq və beynəlxalq münasibətlər fakültəsini beynəlxalq hüquq ixtisası üzrə fərqlənmə ilə bitirmişdir.
2004-cü ildə həmin Universitetinin Beynəlxalq hüquq fakültəsində magistr təhsilini fərqlənmə ilə bitirmişdir.
Hazırda Bakı Dövlət Universitetinin Hüquq fakültəsində inzibati hüquq ixtisası üzrə doktoranturada təhsil alır.
2013-cü ildə Almaniya Federativ Respublikasının Hertie idarəçilik məktəbində “Transformasiya hüquqşünasları-Hüquqi transformasiya üçün hüquqi dialoq” təhsil kursunda iştirak etmişdir.
2014-cü ildə Almaniya Federativ Respublikasının Dbb Akademiyasında “Etik təlimçilər üçün təlim” və “Dövlət qulluğunda xidməti fəaliyyətin qiymətləndirilməsi” kurslarında iştirak etmiş və qeyd olunan mövzular üzrə təlimçi statusu əldə etmişdir.
2018-ci ildə Avstriya Respublikasında Beynəlxalq Anti-Korrupsiya Akademiyasında Korrupsiyaya qarşı mübarizə ixtisası üzrə magistr təhsili almışdır.
“Dövlət qulluğu haqqında Azərbaycan Respublikasının Qanununa uyğun olaraq dövlət qulluğu keçmə ilə bağlı əmrlərin rəsmiləşdirilməsinə dair tövsiyələr” vəsaitinin (2010-cu il), “Dövlət qulluğuna qəbul üzrə qanunvericilik toplusu və sınaq test tapşırıqları” (2013-cü il) və “Dövlət qulluğunda etika” (2014-cü il) kitabının, “Dövlət qulluğunda gender bərabərliyi” üzrə kurikulum (2021-ci il) vəsaitinin müəllifidir.
Əmək fəaliyyətinə 2002-ci ildə Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatında mütəxəssis vəzifəsində başlamış və 2006-cı ilədək həmin orqanda müxtəlif vəzifələrdə çalışmışdır.
2003-2005-ci illərdə həqiqi hərbi xidmətdə olmuşdur.
2006-2016-cı illərdə Azərbaycan Respublikasının Prezidenti yanında Dövlət Qulluğu Məsələləri üzrə Komissiyanın Aparatında baş məsləhətçi, sektor müdiri və şöbə müdiri vəzifələrində çalışmışdır.
2016-2022-ci illərdə Azərbaycan Respublikasının Dövlət İmtahan Mərkəzinin Hüquqi təminat və dövlət qulluğu məsələləri şöbəsinin müdiri vəzifəsində çalışmışdır.
2011-2016-cı illərdə Korrupsiyaya qarşı mübarizə üzrə hökümət eksperti olmuşdur.
2011-2022-ci illərdə Korrupsiyaya qarşı mübarizə üzrə Komissiyanın qanunvericiliyin təkmilləşdirilməsi üzrə işçi qrupunun üzvü olmuşdur.
2016-2022-ci illərdə “Şəffaflıq Azərbaycan” təşkilatının İdarə Heyətinin üzvü olmuşdur.
18.10.2022-ci ildə Dövlət Gömrük Komitəsinin İnsan Resursları İdarəsinin Şəxsi işlərlə iş şöbəsinin rəisi, 25.10.2022-ci il tarixdən həmin İdarənin rəis müavini təyin edilməklə 27.10.2022-ci il tarixdən idarə rəisinin vəzifələrini icra etmişdir. 14.08.2023-cü ildə İnsan Resursları İdarəsinin rəisi vəzifəsinə təyin edilmişdir.
Ailəlidir, 3 (üç) övladı var.