Dövlət Gömrük Komitəsinin əməkdaşı atletika yarışında gümüş medal qazanıb

Gənclər və İdman Nazirliyi və Azərbaycan Atletika Federasiyasının təşkilatçılığı ilə Bakı Atletika Mərkəzində keçirilən atletika üzrə ölkə çempionatında Astara Gömrük İdarəsinin əməkdaşı Samir Hüseynov uğurla iştirak edib.

130 idmançının iştirak etdiyi yarışda əməkdaşımız əzmlə mübarizə apararaq kişilər arasında 3000 m məsafəyə qaçış üzrə ikinci yerə layiq görülüb.

Qeyd edək ki, Dünya Atletikasının qlobal təqvim platformasında yer alan ölkə çempionatı dünya və Avropa çempionatı da daxil olmaqla bir çox nüfuzlu yarışlarda iştirak üçün reytinq xallarının qazanılması baxımından mühüm əhəmiyyət daşıyır.

DGK Mətbuat və İctimaiyyətlə Əlaqələr İdarəsi