Gömrük əməkdaşı Azərbaycan kubokunun qalibi olub

Dövlət Gömrük Komitəsi “Azərterminalkompleks” Birliyinin əməkdaşı, Gömrük İdman Sağlamlıq Mərkəzinin idmançısı Ramin Süleymanzadə pauerliftinq üzrə keçirilən yarışda 4-cü dəfə Azərbaycan kubokunun qalibi olub.

Gənclər və İdman Nazirliyi, Azərbaycan Pauerliftinq Federasiyasının təşkilatçılığı ilə reallaşan yarışda Ramin Süleymanzadə 59 kq çəki dərəcəsində iştirak edib. O, “squat” hərəkətində 180 kq, “benç-press” hərəkətində 105 kq, “deadlift” hərəkətində 210 kq olmaqla, üç hərəkətin cəmində 495 kq toplayaraq qızıl medal qazanıb. Həmçinin idmançımız Azərbaycan kubokunun ən yaxşı 3-cü idmançısı seçilib.

Xatırladaq ki, Pauerliftinq idman növü üzrə 2 qat dünya çempionu olan Ramin Süleymanzadə Vətən müharibəsi iştirakçısıdır.

DGK Mətbuat və İctimaiyyətlə Əlaqələr İdarəsi