Dövlət Gömrük Komitəsinin əməkdaşı yarışın qalibi olub

Gənclər və İdman Nazirliyi və Azərbaycan Atletika Federasiyasının birgə təşkilatçılığı ilə Gəncə şəhərində 28 May - Müstəqillik Gününə həsr olunmuş kütləvi qaçış tədbiri keçirilib. “Yaşıl dünya naminə həmrəylik ili” çərçivəsində “Gəlin birlikdə qaçaq” şüarı altında təşkil olunan yarışda respublikanın müxtəlif regionlarından olan 400-ə yaxın iştirakçı mübarizə aparıb. Ümumilikdə 11 km məsafəni əhatə edən yürüşdə müxtəlif kateqoriyalar üzrə qaliblər müəyyən olunub. 

Heydər Əliyev parkından start götürən yürüşdə Dövlət Gömrük Komitəsinin İdman-Sağlamlıq Mərkəzinin nümayəndəsi, Astara Gömrük İdarəsinin əməkdaşı Samir Hüseynov ümumi kateqoriyada kişilər arasında mütləq çempion adını qazanıb.