Gömrükçülər çimərlik voleybolunda uğurlu nəticə əldə ediblər

Dövlət qurumlarının əməkdaşları arasında keçirilən  çimərlik voleybolu üzrə yarışda Dövlət Gömrük Komitəsinin əməkdaşları - Ləman Qabilli və Günel Xanlarova  uğurla çıxış ediblər.

Gənclər və İdman Nazirliyi və Azərbaycan Voleybol Federasiyasının birgə təşkilatçılığı ilə Bakı Su İdmanı Sarayında reallaşan yarışda kişilər 11, qadınlar 6 komanda ilə təmsil olunublar.

Yekun nəticələrə görə, qadınlar arasında yarışı  AZAL birinci, Dövlət Gömrük Komitəsi ikinci, Ekologiya və Təbii Sərvətlər Nazirliyinin əməkdaşları isə üçüncü pillədə başa vurublar.